Рөстәм Миңнеханов эшлекле сәфәр белән Үзбәкстанга барды

Кичә Татарстан Рәисе Рөстәм Миңнеханов эшлекле сәфәр белән Үзбәкстанда иде. Биредә ул берничә шәһәрдә булып, сәнәгать парклары төзелеше һәм икътисади зоналар эшчәнлеге белән таныша. Быел Үзбәкстан Президенты Шәүкәт Мирзиёев Татарстанга ике тапкыр килде. Киләчәк уеннары һәм БРИКС илләре саммитында катнашты. 

Узган ел нәтиҗәсе буенча, ике республика арасындагы товар әйләнеше 27 процентка артып, 370 миллион долларны тәшкил иткән. Яңа проектларны тормышка ашыруда Үзбәкстанга Татарстан белгечләре ярдәм күрсәтә.