Россия Президенты 2025 елны Ватанны саклаучылар елы дип игълан итте

Россия Президенты Владимир Путин Дәүләт Советы утырышында илдә 2025 елны Ватанны саклаучылар елы дип игълан итте. 

Дәүләт башлыгы 2025 елда Бөек Ватан сугышында Җиңүнең 80 еллыгы билгеләп үтеләчәген искәртте, дип хәбәр итә ТАСС.

"2025 елны махсус хәрби операциядә катнашучылар хөрмәтенә һәм барлык ата-бабаларыбызның батырлыклары истәлегенә Ватанны саклаучылар елы дип игълан итәргә тәкъдим итәм", - диде Россия лидеры.

Фото: Михаил Терещенко, ТАСС