Казанда 14 губернатор мигрантлар белән эшләү турында фикер алышты

Татарстанга бөтен Идел буеннан төбәк җитәкчеләре җыелды. Казанда Россия Президентының Идел буе округындагы вәкаләтле вәкиле каршында - Совет утырышы узды.

14 губернатор хәзер ил өчен әһәмиятле тема - мигрантлар белән эшләү турында сөйләшә. Очрашуны Игорь Комаров алып барды. Татарстан тәкъдиме буенча, Казан аэропортын - федераль экспериментка кертергә мөмкиннәр. Безгә килүче чит ил кешеләреннән биометрик мәгълүмат җыя башлау турында сүз бара.

Узган ел Республикага 100 мең мигрант күченгән, хәзер Идел буе округында 500 мең чит ил кешесе яши. Җитәкчеләрне нинди мәсьәләләр борчый? Аларны хәл итүне нәрсәдән башларга җыеналар? Бу хакта - киләсе репортажда сөйләрбез.