Рөстәм Миңнеханов Катар җитәкчелеге белән очрашты

Кичә Россиягә Катар җитәкчелеге килде. Бу илнең әмире - Тамим Бен Хамад Әль Танины Владимир Путин кабул итә. Очрашуда - Рөстәм Миңнеханов та бар иде.

Ул биредә «Россия - Ислам дөньясы» стратегик күзаллау төркеме рәисе буларак катнашты. Татарстан белән Катар күптәннән төрле юнәлешләрдә хезмәттәшлек итә. Динебез дә бер. Республика Рәисе Катар җитәкчелеге белән даими очраша. Аларны үзебездә кабул иткәне дә бар. 

Владимир Путин билгеләп үткәнчә, Катар - Россиянең Якын Көнчыгыштагы төп партнерларының берсе.