Татарстан Рәисенең халыкара дәрәҗәдә яңа эшчәнлеге

Узган атнада Татарстан Рәисе Рөстәм Миңнехановның Россия сәясәтендә төбәк башлыгы гына булмавы тагын бер кат күренде. Без аның чит илләргә сәфәрләрен даими рәвештә кызыксынып күзәтәбез, ә менә соңгы ике атнада ул чит ил делегацияләренең Мәскәүдә - Владимир Путин белән очрашуында катнаша башлады.

Узганында Катар дәүләте Әмире килгән булса, монысында Оман солтанын кабул иттеләр. Россиянең Якын Көнчыгыш илләре белән дипломатик мөнәсәбәтләре ешайды. Рәиснең әлеге югары дәрәҗәле очрашуларга чакырылуы - аның озак еллар дәвамында Ислам дөньясы илләре белән булдырылган элемтәләрен тану.

Белгечләр фикеренчә, Рөстәм Миңнеханов, халыкара сәясәтче буларак кабул ителә.