Рөстәм Миңнеханов Мәскәүдә Россия технология университеты эшчәнлеге белән танышты

Кичә Рөстәм Миңнеханов эш сәфәре белән Мәскәүгә барды. Монда ул Россия технология университеты эшчәнлеге белән танышты. 

Рәис студентларга лекция укыды һәм яшьләрне безнең Республикага эшкә чакырды. Ә аңарчы - танышу өчен килеп китәргә! Әлеге уку йорты - техник вуз булып санала. Анда инженер һәм фәнни юнәлеш буенча көчле белем бирәләр.

Рөстәм Миңнеханов килгәч, роботларны татарча биеттеләр, ясалма акыл мөмкинлекләре турында сөйләделәр. Рөстәм Миңнеханов ел дәвамында илнең көчле уку йортларына барып, студентлары белән таныша, үзебезгә чакыра.