Республикадагы яңа җитәкчеләрне игълан иттеләр

Кичә кабат республикадагы яңа җитәкчеләрне игълан иттеләр. Татарстанда бала хокуклары буенча вәкаләтле вәкил итеп Светлана Захарова билгеләнде. 

Ул берничә чакырылышта Дәүләт Советы депутаты иде, парламентта социаль сәясәт комитетын җитәкләде. Бу вазыйфада Светлана Захарова - вәкил буларак килешү вакыты төгәлләнгән Ирина Волынецны алмаштырды. Бүген шулай ук Рәсим Баксиков яңа эшкә күчте. Депутат мандатын ул министр урынбасары кәнәфиенә алмаштыра. 

Әлеге үзгәрешләр турында Дәүләт Советы сессиясендә билгеле булды. Аның эшендә Рөстәм Миңнеханов катнаша. Шушында ук яңа министрны да тәкъдим иттеләр. Парламенттан Люция Нотфуллина репортажы.