Рөстәм Миңнехановның командасы нинди үзгәрешләр кичерде? | Адымнар

Узган атнада Рөстәм Миңнехановның командасы тупланып бетте диярлек. Аның составында, нигездә, элек тә шушы вазыйфаларда эшләгән җитәкчеләр. 

Үзгәрешләр күп түгел. Ике министр алышынып, яңа бер урынбасар билгеләнде, бала хокуклары буенча вәкаләтле вәкил, тарифлар буенча дәүләт комитеты рәисе расланды. Димәк, киләсе 5 елда Татарстан - күп еллар барган юлдан ышанычлы атлавын дәвам итәчәк. 

Рөстәм Миңнехановның вакыт белән сыналган һәм бай тәҗрибә туплаган җитәкчеләргә таянуын - күпләр Республиканың нәтиҗәле эшләвен чагылдыручы мөһим күрсәткеч буларак кабул итте. Заманында пандемия сынаулары аша узып, хәзер махсус хәрби операция шартларында эшләүче һәм санкцияләргә каршы тора алучы команда һәм аның яңа вәкилләре турында Рүзәл Шәрипов сөйләр.