Татарстан Республикасы Дәүләт Советы Рәисе вазифаларын башкаручы итеп Марат Готыф улы Әхмәтов сайланды

Татарстан Дәүләт Советының җиденче чакырылыштагы 19 нчы утырышында парламент рәисе вазифаларын вакытлыча башкаручы итеп рәис урынбасары Марат Әхмәтов сайланды.

Исегезгә төшерәбез, бүген Фәрит Мөхәммәтшин Татарстан Дәүләт Советы Рәисе вазифасыннан вакытыннан алда китүе турында игълан итте.

Шулай ук утырыш барышында Татарстан Рәисе Рөстәм Миңнеханов Фәрит Мөхәммәтшинга «Ватан алдындагы казанышлары өчен» II дәрәҗә орденын тапшырды.

Фото: ТНВ, Алмаз Шиһабетдинов