Казанда Лавров рәислегендә министрлар утырышы узды

Аннары дипломатлар программаның рәсми өлешенә кереште. Казан Ратушасында - ОДКБ - күмәк иминлек турындагы шартнамә оешмасына керүче дәүләтләрнең тышкы эшләр министрлары советы утырышы башланды.

Оешма составына 6 ил керә. Быел анда Россия рәислек итә. Утырышны Тышкы эшләр министры Сергей Лавров алып барды. Ул Татарстанга югары бәя бирде һәм аны “Россия һәм Евразия континенты тарихын чагылдыручы төбәк” дип атады. Форумның көн тәртибендә - халыкара иминлек мәсьәләләре, террорчылык белән көрәш, мәгълүмати һөҗүмнәр һәм тышкы сәяси вәзгыять бар иде. Тәгаенрәк Гөлназ Сәйфетдинова сөйли.