Дәүләт Думасына сайлауга әзерлек башланды: ТНВ каналы агитация материаллары һәм дебатлар өчен 570 минут бушлай эфир вакыты бүлеп бирә

Илдә алда узачак Дәүләт Думасына сайлауларга әзерлек бара. Шимбә көнне агитация кампаниясе башлана. Казанда партияләр һәм бермандатлы сайлау округлары буенча кандидатлар өчен җирәбә үткәрелде.

Республика массакүләм мәгълүмат чаралары сайлау кампаниясендә катнашучыларга 84 дәүләт басмасында 105 сәгатьтән артык бушлай теле- һәм радиоэфир, шулай ук басма мәйданнар тәкъдим итәчәк.

Төп ресурсларның берсе — ТНВ телеканалы эфиры. Телеканал һәм «Болгар» радиостанциясе агитация материаллары һәм дебатлар өчен 570 минут бушлай эфир вакыты бүлеп бирә.

Ни өчен җирәбә сайлау кампаниясе башланганда мөһим этап булып тора? Бу хакта ТНВ хәбәрчесе Рамил Шәйдуллин сөйләр.