Cайлау участокларына танылган артистлар да, күп балалы гаиләләр дә килде

Кичә сайлау участокларына танылган артистлар да, күп балалы гаиләләр дә килде. Башкаланың мәдәният һәм сәнгать институты студентлары тавыш бирүчеләрне җыр-моң белән каршы алды.

Ә Яр Чаллыдагы сайлау участогы янәшәсендә КАМАЗ техника күргәзмәсе оештырды. Башкаланың 107нче гимназиясенә килүчеләр исә, Татарстанның халык артисты Ришат Төхвәтуллин белән фотога төште, ә ул сайлаучыларга бер җырын бүләк итте.