Владимир Путинның халык белән туры элемтәсе һәм зур матбугат конференциясе декабрьдә узачак

Владимир Путинның халык белән туры элемтәсе һәм зур матбугат конференциясе декабрьдә узачак. Бу хакта Россия Президентының матбугат сәркатибе Дмитрий Песков ТАСС соравына җавап биргәндә хәбәр итте.

Берничә ел дәвамында кулланылган әлеге формат «Владимир Путин белән ел йомгаклары» дип атала. Быел да чара берләштерелгән рәвештә узачак: Владимир Путин журналистларның һәм гражданнарның сорауларына җавап бирәчәк.

Кремльнең рәсми вәкиле сүзләренчә, чарага әзерлек инде башланган, дип хәбәр итә ТАСС.

Фото: Михаил Терещенко, ТАСС