Яшел Үзән районында яңа ФАП ачылды

Татарстанның Яшел Үзән районы Садовый поселогында «Сәламәтлек саклау» илкүләм проекты кысаларында яңа фельдшер-акушерлык пункты ачылган.

Учреждениене беренчел медицина-санитар ярдәм күрсәтү, диспансерлаштыру, вакцинация һәм планлы тикшерүләр үткәрү өчен кирәкле җиһазлар белән җиһазландыралар. ФАП торак пунктта яшәүче 300гә якын кешегә хезмәт күрсәтәчәк.

Исегезгә төшерәбез, 2018 елның маенда Россия Президенты Владимир Путин илдә милли проектларны гамәлгә ашыруга старт бирде.

Фото: freepik.com