Татарстан Рәисе Казанда яңа хосписта булды

Рөстәм Миңнеханов Казанның икенче хосписында булды, ул февральдә тапшырылачак. Фотоларны Республика Рәисе үзенең телеграм-каналында бастырып чыгарды.



"Бу мөһим эштә катнашкан һәркемгә рәхмәтемне белдерәм. Медицина ярдәменнән тыш, хосписта мәчет һәм чиркәү оештырылган. Авыр хәлдә калган кешеләргә шундый ярдәм кирәк», — дип язган Рөстәм Миңнеханов.

Ул шулай ук Анжела Вавилова исемендәге фонд идарәсе рәисе Владимир Вавиловка рәхмәт белдерде. Нәкъ менә аның ярдәмендә Казанда икенче хоспис барлыкка киләчәк.

Фото: t.me/rustamminnikhanov