Түбән Кама үзәк күп профильле хастаханәсенең терапия корпусын төзекләндерделәр

Бүген Түбән Камада берничә мөһим социаль объектлар кулланылышка тапшырылды. Аларны ачу тантаналарында Татарстан Рәисе Рөстәм Миңнеханов катнашты.

Борок авылының күп балалы гаиләләр яшәячәк микрорайонын газга тоташтырдылар. СИБУР компаниясенең Спорт үзәге ачылды. Биредә Түбән Кама халкы гимнастика, йөзү, футбол һәм башка спорт төрләре белән шөгыльләнә алачак. Район өчен мөһим вакыйгаларның тагын берсе - Түбән Кама үзәк күп профильле хастаханәсенең терапия корпусын төзекләндерү.

Бина 30 елдан артык ремонтланмаган була. Хәзер биредә 350 меңгә якын кешене кабул итә алачаклар. Хастаханәдәге үзгәрешләрне Инзилә Хөсәенова күреп кайтты.