Урамда сатылучы карбызларны алырга ярыймы? Табиб киңәше

Җәйге чор башлангач урамнарда киселеп куелган карбызлар актив сатыла башлады. Без "Таяну ноктасы" тапшыруында кунакка белгечләрне чакырган идек. Табиб Гүзәл Сокорова мондый сатып-алуларга шикләнеп карый.

"Мин киселгән карбызларны алырга киңәш итмәс идем, чөнки башта аларны тикшерергә кирәк. Бактериолог яктан чиста булмаска мөмкин", - диде 8нче сырхауханәнең йогышлы авырулар табибы Гүзәл Сокорова.

Журналист Айдар Хәлиуллин карбызларның нинди пычак белән киселүе, кайчан полиэтиленга тыгып куелуы һәм кояшта күпме вакыт торганына игътибар итәргә куша.