Татарстанның ерак авылларыннан "Мобиль сырхауханәләр" Казанга килде

Татарстанның ерак авылларыннан "Мобиль сырхауханәләр"Казанга килде. 5 ел эчендә табиблар 200 мең кешене кабул иткән. Һәр икенче пациентны сәламәтлеген өстәмә тикшертергә җибәрәләр.

Бу атнада күчмә комплекс Казанның өч мәйданында эшли башлады. Беренче ике көндә үк 300дән артык кеше сәламәтлеген тикшерткән.

Калада яшәүчеләр өйләреннән ерак китмичә, моңарчы барырга вакыт тапмаган белгечләргә күренә. Татарстанда әлеге хезмәт "Сәламәтлек саклау" илкүләм проекты буенча күрсәтелә.