Татарстанда үпкә ялкынсынуы белән авыручылар арткан

"Татарстан хәбәрләре" редакциясе җиткерүенчә, Татарстанда үпкә ялкынсынуы белән авыручылар арткан.

Шул сәбәпле Казанның берьюлы ике мәктәбен дистанцион укуга күчерделәр. Икесе дә Киров районында урнашкан. 135нче һәм Салават күперендәге 182нче белем учреждениеләре.

Алардан тыш, Питрәч районының Көек авылындагы лицейда бер сыйныф тулысынча дистантка күчкән, ә 9 сыйныф бер бүлмәдә генә укый, башкалар белән аралаштырмыйлар. Хәбәрчебез Гөлназ Сәйфетдинова балалар арасында үпкә ялкынсынуының нинди төре таралуын ачыклады һәм үзеңне ничек сакларга икәнен белеп кайтты.