Казанда 6,5 мең кеше мобиль пунктларда сәламәтлеген тикшергән

Казанда мобиль диспансеризация пунктлары эшләгән айда 6422 кеше бушлай тикшерелгән. Алар арасында 3933 кеше диспансеризация узган, тагын 570 кеше профилактик тикшерү узган.

Күчмә диспансеризация кысаларында табиблар 5875 рентгенология тикшеренү үткәргән: 3948 флюорография һәм 1927 маммография.

Казанда мобиль диспансеризация пунктлары ноябрьдән үк эшли. Алар 20 һәм 21 номерлы поликлиникаларга, шулай ук 7 нче шәһәр хастаханәсенә беркетелгән шәһәр кешеләрен 6:00 дан 22:00 гә кадәр кабул иткәннәр. Тулы тикшеренү «Сәламәтлек саклау» милли проектын гамәлгә ашыру кысаларында үткәрелә.

Шәһәр мэриясе казанлыларны тикшерү узу өчен яшәү урыны буенча беркетелгән поликлиникага мөрәҗәгать итеп булганны искә төшерә.

Фото: ТНВ