Татарстанда тәүге тапкыр яман шешкә робот ярдәмендә операция ясадылар

Татарстанда тәүге тапкыр яман шешкә робот ярдәмендә операция ясадылар. Бу эшкә - Республика клиник онкология диспансеры белгечләре алынды.

Заманча җайланма - табиб кулы җитмәгән урыннарга кереп, яман шешне алу мөмкинлеге бирә. Әлеге заманча җиһаз Республика җитәкчелеге ярдәме белән сатып алынган һәм ул Татарстанда югары технологияле медицина мөмкинлекләрен арттыра. Моны Инзилә Хөсәенова күреп кайтты.