Казанда остеопат кабул иткән вакытта бер яшьлек малай үлгән

Казанда шәхси клиникаларның берсендә бер яшьлек малай үлгән. Бу хакта "Татар-информ" хәбәр итә. 

Остеопат кабул иткәндә баланың кискен хәле начарланган. Медицина үзәге хезмәткәрләре ашыгыч ярдәм чакырткан, ләкин килгән табиблар малайны коткара алмаган.

Шәһәрнең Яңа Савин районы прокуратурасы тикшерү оештырды. Күзәтчелек чаралары барышында булган хәлнең сәбәпләрен ачыклаячаклар һәм гражданнарның сәламәтлеген саклау турындагы закон таләпләренең үтәлешенә бәя бирәчәкләр.

Фото: ru.freepik.com