Остеопатка килгәч бала үлә! Нәрсә билгеле?

Кичә бөтен Республикада шау-шу уяткан вакыйгадан башлыйк. Остеопатка килгән 1 яшь тә 2 айлык баланың гомере өзелгән. Вакыйга Казанның Фатыйх Әмирхан урамындагы шәхси клиникаларның берсендә килеп чыга.

Аның гомерен саклап калырга 1 сәгать тырышсалар да, нәтиҗәсе булмый. Хәзер бу хәлнең барлык сәбәпләрен тикшерүчеләр ачыклый. Җинаять эше кузгатылган. Ул - һөнәри бурычын тиешенчә башкармау нәтиҗәсендә, саксызлык белән үлемгә китерү маддәсе буенча карала. Теманы Рүзәл Шәрипов дәвам итәр.