Сәламәтлек саклау министрлыгы халыкның нигә табибка языла алмавының сәбәбен аңлатты

Репортажыбыз үткән ике көндә эфирда барган сюжетлар эзеннән булачак. Алар Татарстан халкының - табибка языла алмавы һәм күрсәтелгән медицина хезмәтеннән канәгатьсезлеге турында иде.

Сәламәтлек саклау министрлыгында расладылар - электрон порталлар аша языла алмау проблемасы - системадагы өзеклек сәбәпле килеп чыккан. Янәсе ул вакытлыча гына икән. Әмма без ачыклаганча, халык бу атнада гына зарланмый бит. Безнең иҗат төркеме дә аларга кушылып кайбер белгечләргә онлайн язылып караган иде - күпчелеге дүшәмбе дә, аңарчы да булдыра алмады. Ике көндә күргәннәргә нәтиҗә - Гөлназ Сәйфетдинова материалында.