Казанлылар бушлай флюорографик тикшерү уза ала

25 һәм 26 мартта Казанда яшәүчеләр бушлай флюорографик тикшерү уза алачак. Күчмә рентген аппаратлары сәүдә үзәкләренең парковкаларында урнашачак, дип хәбәр итә шәһәр мэриясе матбугат хезмәте.

25 мартта, 9:00 дан 14:00 кә кадәр шәһәр халкын Ибраһимов урамы, 56 адресы буенча сәүдә үзәге янындагы парковкада көтәчәкләр.

Чәршәмбе, 26 мартта, 10:00 нан 15:00 кә кадәр күчмә аппаратларны Җиңү проспекты, 141 адресы буенча сәүдә үзәге янындагы парковкада урнаштырачаклар.

Үзең белән паспорт һәм СНИЛС алырга кирәк.

Профилактик акция Бөтендөнья туберкулезга каршы көрәш көне кысаларында оештырыла. 28 мартка кадәр шулай ук туберкулезны профилактикалау буенча кайнар линия эшли. Шалтыратуларны 9:00 дан 18:00 гә кадәр Роспотребнадзор идарәсе белгечләре түбәндәге телефоннар буенча кабул итә: +7(843)238-53-68; +7(843)238-53-48.

Фото: ТНВ