Федераль ташламага ия булучыларга: социаль пакет яки аның акчасын сайлар өчен 2 ай вакыт калып бара

Федераль ташламага ия булучыларга - социаль пакет яки аның акчасын сайлар өчен 2 ай вакыт калып бара. Татарстанда мондый мөмкинлектән хәзер 350 меңгә якын кеше файдалана.

Аларның 200 меңнән артыгы моңарчы акчалата компенсацияне сайлаган. Ләкин табиблар дарудан баш тартканчы бер кат уйларга киңәш итә. Чөнки ай саен бирелә торган 1 300 сум иң кирәкле даруларга җитмәскә мөмкин. Бу мәсәлә - аеруча йөрәк-кан тамыры, шикәр чире, онкологиядән дәваланучы пациентларга кагыла.