Түбән Камада бер минут эчендә тәңкә йоткан баланы коткардылар

Түбән Кама балалар район хастаханәсендә ялгыш акча йоткан өч яшьлек баланы коткарганнар. Баланы ашыгыч рәвештә медицина учреждениесенә китергәннәр. Диагноз рентген ярдәмендә расланган.

Балалар хирургы-эндоскопист Игорь Шогоров балага зыян салмаслык операция уздырган һәм үңәчтән нибары бер минут эчендә акчаны чыгарган. Икенче көнне үк баланы өенә кайтарып җибәргәннәр.

Табиблар сүзләренчә, әти-әниләренең баланы тиз арада хастаханәгә алып килүләре җитди заян салудан коткарып калган.

Хастаханә табиблары ата-аналарны уяу булуны сорый. 



Фото: t.me/tatmedicina