Теш ясыйм дип, тешсез калганнар. Кем җавап тотар?

Стоматология клиникасына мөрәҗәгать иткәннән соң - авызларында бер теш тә калмаган. Яр Чаллыда гына йөздән артык кеше зыян күрә.

Намуссыз табиблар "Дентал практик" дигән сырхауханәдә эшли. Кешеләрне бушлай тикшеренү һәм консультация үткәрәбез дип җәлеп иткәннәр. Һәм кыйммәтле дәвалану кирәк дип куркытып файдасы булмаган медицина хезмәтен көчләп такканнар. Күп кенә кешеләр аларга түләр өчен йөзәр мең сумлык кредит алырга мәҗбүр була. Зыян күрүчеләр Россиянең башка төбәкләрендә дә ачыкланган. Кырын эштә шикләнелгән берничә кеше кулга алына. Тулырак- Луиза Сафуанова репортажында.