Генетик тикшеренүләр быелдан бушлай үткәреләчәк

Генетик тикшеренүләрне бала табарга теләгән парлар бушлай үтә алачак. Быелдан дәүләтнең шундый ярдәме булдырылды. Мондый анализ хәзер ОМС буенча уздырыла.

Генетик тикшеренү нәселләрендә җитди авырулары булган кешеләр өчен мөһим. Балаларына мондый чирләрнең күчү куркынычы бармы-юкмы икәнен алдан белә алалар. Сәламәтлек саклау министрлыгында генетик анализ бушлай ясалырга тиешле авырулар исемлеген төзегәннәр. Анда кайсы чирләр керә, тикшеренүне ничек үтәләр һәм нәтиҗәләрне күпме көтәсе - болар хакында Сиринә Васильева сөйләр.