Катлаулы очраклар һәм яңа технологияләр: РКБның Перинаталь үзәгенең 10 еллык тәҗрибәсе | Адымнар

Илдә демография хәле елдан-ел начарланган вакытта, безнең Республикада туачак балаларны һәм әниләренең сәламәтлеген саклау өчен зур хезмәт куела. Ел ахырында Әлмәттә Перинаталь үзәк сафка бастырылды.Аңарчы Казанның 7нче сырхауханә базасындагысы эшли башлаган иде.

Быел РКБныкы ачылганга - 10 ел була. Ул вакытта Республикада елына 57 мең бала туган булса, хәзер 35-37 меңгә төште. Әмма Перинаталь үзәкләргә бурычлар җитдирәк. Нинди катлаулы очрак булмасын, хатын-кызның сәламәтлеген кайгырту, аңа таза-сау сабый таптыру һәм баланың үзен саклау. Әйтик, узган ел сабыйлар үлемен 27%ка киметкәннәр.

Бу атнада безнең иҗат төркеме РКБның Перинаталь үзәгенә барды һәм 10 елда авыруларның катлаулануын, шул ук вакытта - технологияләрнең алгарышын, белгечләрнең көчәюен күрде. Гыйбрәтле язмышлар һәм аларны саклаган табиблар - Гөлназ Сәйфетдинова әзерләгән материалда.