Минзәлә районында медицина көллиятен тәмамлаучы кыз күршесенең гомерен саклап калган

Чыгарылышны дәвам итәбез һәм Минзәлә районында булган хәлгә күчәбез. Ахыры фаҗига белән тәмамлана алырлык күренеш, бу юлы коткару тарихына әверелгән.

Узган ял көннәрендә Әтрәкле авылында Яр Чаллының медицина көллиятен тәмамлаучы Зәринә Гәрәйханова күрше абыйның гомерен саклап кала. Аның өстенә гаражда машинасы төшкән була. Ашыгыч ярдәм килгәнче кыз ир-атның йөрәгенә массаж ясап, ясалма сулыш алдыра.