Татарстанлылар ял көннәрен сәламәтлеген тикшертүгә багышлады - репортаж

Республикада бәйрәм иртәсе татарстанлылар медицина тикшеренүеннән башлады. Сәламәтлек саклау министрлыгы карары буенча, 4нче һәм 6нче ноябрь көннәрендә - Татарстан сырхауханәләре пациентларны кабул итте.

Эштә булып, диспансерлаштыру узуны еш кына кичектереп торучылар өчен бу яхшы мөмкинлек. Тагын да күбрәк халыкны колачлау өчен, аны хәзер кичен һәм төнлә дә үтеп була. Мондый тикшеренүләр җитди авыруларны башлангыч чорында ачыкларга мөмкинлек бирә. Быел диспансерлаштыру узган миллион 265 мең кешенең 72 меңе - чирләре турында беренче тапкыр белгән. Тулырак Алия Сабирова.