Операция мизгелләрен терки һәм мәгълүматны анализлый: перинаталь үзәктә яңа система

Казанның Марат Садыйков исемендәге 7нче хастаханәнең перинаталь үзәгендә цифралы яңа хезмәткәр "РаИса" эшли башлаган. Ул анестезиолог һәм реаниматологларга ярдәм итә.

Операциянең һәр мизгелен теркәп бара, медицина җиһазларыннан алынган мәгълүматны анализлый, беркетмәләр тутыра. Һәм, хәтта, кайсы пациентның нинди даруга аллергиясе булуын хәтерли. Әлегә яңа системаны бер генә бүлектә кулланалар. Аның эшен Сабина Идиятуллина күреп кайтты.