Казанда паркта Элвин Грей чыгыш ясаячак

Татарстан һәм Башкортстанның популяр башкаручысы Радик Юльякшин, ягъни Элвин Грей Горький паркында «Яшел фитнес» проектының җәйге сезонын ябуда чыгыш ясаячак, дип хәбәр итә шәһәр мэриясенең матбугат хезмәте.

Моннан тыш, чара кысаларында Just Brass музыка төркеме чыгышы планлаштырылган. Шулай ук бәйрәм кунакларын зумба буенча күнекмәләр, джампинг һәм балалар өчен крио-шоу көтә.

Чара 26 сентябрь көнне 15:00 сәгатьтә узачак. Катнашу өчен сайтта теркәлергә кирәк.

Фото: vk.com/elvin_grey