Илсөя Бәдретдинова бай кияү тапкан?

Танылган татар җырчысы Илсөя Бәдретдинова чак кына кияүгә чыкмый калган. Алабугада аны зур тамаша белән каршы алганнар.

Биредә бай солтан үзенә хатын эзли. Аңа өч кыз тәкъдим иткәннәр. Тик ул аларны ошатмаган һәм Илсия Бәдретдиновага борылып, мин гомерем буе синең ише хатын эзләдем, дигән.

«Чак кияүгә чыкмый калдым Алабугада. Юл буе искә төшереп, рәхәтләнеп көлеп кайттык. Бик зурладыгыз! Менә зур-зур рәхмәт сезгә! Мондыйны күргән юк иде… Гомумән, Алабуга мәдәният һәм сәнгать көллиятенә соклануым чиксез минем. Минем ике биючем дә шуннан. Бик-бик көчле уку йорты!» — дип язган Илсөя Инстаграмда.

Фото: @ilsiabadretdinova