Фирдүс Тямаев "Ел җырчысы" исеменә лаек булды

11 декабрь Пирамида концертлар залында IX "Болгар радиосы" Милли музыкаль премиясе узды. Концерт онлайн форматта барды. Тамашачылар "ТНВ-Татарстан", "ТНВ-Планета"  каналларында карый һәм "Болгар радиосы" ешлыгында тыңлый алды.

Шулай ук, IX "Болгар радиосы" Милли музыкаль премиясе, интернет киңлекләрендә дә үз тамашачысын тапты.

Татар эстрадасында "Ел җырчысы" билгеләнде. Бу дәрәҗәле исемгә Фирдүс Тямаев лаек булды. Ел дәвамында аның җырлары "Болгар радиосы" ешлыгында тамашачы тарафыннан соралып килде. Тантанада ул "Бию такмаклары"н җырлады.

Фирдүскә иҗатында уңышлар теләп калабыз.