Зөлфирә һәм Алмаз Мирзаяновлар "Елның гаилә дуэты" исеменә ия булдылар

11 декабрь Пирамида концертлар залында IX "Болгар радиосы" Милли музыкаль премиясе узды. Концерт онлайн форматта барды. Тамашачылар "ТНВ-Татарстан", "ТНВ-Планета"  каналларында карый һәм "Болгар радиосы" ешлыгында тыңлый алды.

Шулай ук, IX "Болгар радиосы" Милли музыкаль премиясе, интернет киңлекләрендә дә үз тамашачысын тапты.

Татар эстрадасында гаилә дуэтлары бик күп. Алар арасыннан иң-иңнәрен сайлау авыр. Шулай да, "Болгар радиосы" тамашачылары ярдәме белән 2021 елның гаилә дуэты ачыкланды. Алар - Зөлфирә һәм Алмаз Мирзаяновлар.

Иҗади парны чын күңелебездән котлыйбыз.