Казанның төп чыршысы ачылышында Илсөя Бәдретдинова чыгыш ясаячак

Бүген «Казан» гаилә үзәге янында шәһәрнең төп чыршысын ачу тантанасы була. Тантаналы чара 16:00 сәгатьтә башлана. Бу хакта Казан мэриясенең матбугат хезмәте хәбәр итә.

Хедлайнерларның берсе - Татарстанның атказанган артисты - Илсөя Бәдретдинова. Көн суык булса да, җырчы һәм аның төркем энергетикасы һәр тамашачыга да бирелер дип өмет итәбез.

Кичә концерт программасы белән дәвам итәчәк. Хедлайнерлар Лейна һәм Анастасия Макарова, шулай ук «Закария» фолк-төркеме булачак.

Фото: "Болгар радиосы"