Данир Сабиров: "Миләүшә минем беренче мәхәббәт түгел"

ТНВ каналында чыга торган "Әй, язмыш, язмыш!" тапшыруында Татарстан Республикасының атказанган артисты Данир Сабиров тормышы һәм иҗаты турында сөйләде.

Тапшыру алып баручысы Зәмирә Рәҗапованың "Сезнең Миләүшә белән мәхәббәт күзләрегездән сизелә. Ул синең беренче мәхәббәтме?", - дигән соравына Данир Сабиров:

"Юк. Ул минем соңгы мәхәббәт. Мин инде 12 яшьтән кызларга гышыйк була башлаган идем инде. Без танышканчы, 12дән 21 яшькә кадәр, шактый вакыт узып киткән", - дип җавап бирде.

Исегезгә төшерәбез, кичә Татарстан Республикасы Президенты Рөстәм Миңнеханов Данир Сабировка Татарстанның атказанган артисты медален тапшырды.