Дәниф Шәрәфетдинов: "Хәния Фәрхи минем өчен һаман да исән!"

Озак еллар Татарстанның халык артисты Хәния Фәрхи белән бергә эшләгән, күп кенә җырларны бергә дуэт итеп башкарган Дәниф Шәрәфетдинов ТНВның «Әй, язмыш, язмыш» тапшыруында татар эстрадасы легендасын үзе өчен һаман да исән дип санаганын әйтте.

«Төрле уйлар килә. Уңай уйлар килә, беркайчан да начар уйлар булмады. Кайчагында сискәнеп китәм, минем өчен ул һаман да исән. Танышлар, дуслар белән аралашкан вакытта Хәния апа турында сүз кереп китсә, вакытсыз китеп барды дисәләр, сискәнеп куям. Чын апа, дус, туган ул!», — диде Дәниф Шәрәфетдинов.