Рафил Җәләлиев һәм Эльмира Гыйльфанова кызларының исемен әйттеләр

Җырчы, ТНВ каналында чыгучы «Башваткыч» тапшыруы алып баручысы Рафил Җәләлиев белән аның тормыш иптәше Эльмира Гыйльфанова кызларының исемен әйттеләр.

Җырчы Эльмира Гыйльфанова үзенең социаль челтәрләрдәге битендә: «Кызыбызга исем куштырдык. Таныш булыгыз — Хәят!», — дип язган.

Игелекле, үз милләтенә тугъры бала булып үс, Хәят!

Исегезгә төшерәбез, Сабый 14 июнь көнне 23:10 сәгатьтә туган. Буе — 51 см, авырлыгы — 2930 грамм.

Фото: социаль челтәрләрдән алынды