Онлайн трансляция

Свернуть

Эльбрус тавына менүче Данир Сабиров хәле турында сөйләде

Эльбрус тавына менүче Данир Сабиров хәле турында сөйләде

https://tnv.ru

25 Июль 2022, 14:50

2117

0

Эльбрус тавына менүче Данир Сабиров хәле турында сөйләде
Хәзерге вакытта Татарстанның атказанган артисты Данир Сабиров Эльбрус тавын яулый. Сау-сәламәт кешегә тауга менүнең бернәрсәсе дә юк инде аның дип уйлаучылар бик нык ялгыша. Тауда тигез юлы да булмый, кары да ява, җиле дә исә, хәл дә бетә. Данир Сабиров та үзенең хәле турында: «Төрлечә була», дип яза телеграм каналында.

«Төрлечә була: бик ашыккан чаклар да, өшегән дә. Зарлануым түгел», — диде ул.

Җырчы сүзләренчә, алар 7-8 сәгать юлда булырга мөмкиннәр. 3200 метр югарылыкка менгәндә артистның биленә дә «бәргән». Хәзер алар инде 4750 метр биеклеккә менеп җиткәннәр. Исән-сау әйләнеп кайтырга язсын!

Исегезгә төшерәбез, Данирның дусты, танылган блогер Рөстәм Нәбиев тормыш иптәше Индира белән Грузиядәге Казбек (5033м) тавына менеп җиткән дип язган идек. Бу Рөстәм Нәбиевның беренче тавы гына түгел. Аның инде Эльбрус (5642) һәм Манаслу (8163) югары нокталарына да менгәне бар.

Фото: соц.сети

Комментарии 0

Аватар