Илсөя Бәдретдинова: "Шикәр күтәреп шактый йөрдем мин аның янына свиданиягә"

Татарстанның атказанган артисты Илсөя Бәдретдинова хәзерге вакытта үзенең яңа концерт сезонына әзерләнә. Илсөя үзенең социаль челтәрләрендәге битләрендә съемкалар белән таныштырып бара.

Җырчы, беренче чиратта, үзенең командасына шаккаткан. Алар барысы да чабышкы атларына утырырга ризалашкан.

Икенче ис китүе — үзенең чемпион аты Алмазда икән. «Шушы сьемкалар өчен, шикәр күтәреп шактый йөрдем мин аның янына свиданиягә», — ди Илсөя.

«Камера да, яңгыр да, ислемай да, янәшәсендә басып торучы ат та ошамый аларга», — дип яза җырчы. Хәзерге вакытта съемкалар тәмам, атларга да, командага да зыян килмәгән.

Фото: t.me/ilsiabadretdinova