Элвин Грейга Татарстанның атказанган артисты исеме бирелде

Элвин Грей исеме астында чыгыш ясаучы Радик Юльякшинга "Татарстан Республикасының атказанган артисты" исеме бирелде. Бүләкләү тантанасы Мәскәүдә Татарстан Республикасы Мәдәният көннәре кысаларында сәнгать осталарының гала-концертында узды. Бүләкне Татарстан Президенты Рөстәм Миңнеханов тапшырды.

Телеграм каналы аша: "Бу безнең уртак җиңүебез, уртак бүләгебез!", - дип җырчы үз тамашачыларына мөрәҗәгать итте .


Исегезгә төшерәбез, Элвин Грей Мәскәүгә күченүе турында һәм милли телләрдә иҗат итүне туктатуын, татар һәм башкорт эстрадасыннан китүен хәбәр иткән иде.

фото: пресс-служба президента РТ