Элвин Грей үзенең полиция машинасында утырган видеога аңлатма бирде

Татарстанның һәм Башкортстанның атказанган артисты Радик Юльякшинның (Элвин Грей) полиция машинасында утыруның сәбәбе билгеле булды.

Кичә Радикның полиция машинасында утырганда төшерелгән видеосы социаль челтәрләрдә таралды. Күпләр җырчы өчен борчылып утырганда, чын җанатарлар "клип төшерәләрдер әле" дигән уйдан талпынмады.

Бүген җырчы телеграм каналында "02" дип аталган яңа җырын тәкъдим итте һәм клип урнаштырды.