Яңа гына әни булган Зөлфирә Шәйдуллина үзе һәм кызының хәлләрен сөйләде

Яшь әти-әни Зөлфирә һәм Алмаз Мирзаяновлар һәм аларның кызлары турында күп яздык. Укучыларыбыз да хәлләрен сорашып тора. Зөлфирә аларга җавап бирә.

"Безнең хәлләребез яхшы! Имәбез, йоклыйбыз, елыйбыз, кәкәй итәбез. Кыскасы, Аллага шөкер!", - дип яза Зөлфирә.

Җырчы шулай ук әнисенә рәхмәтләрен белдерде.

"Әни булганымны яңа гына аңладым! Тулгак газаплары кичергән вакытта үземнең әнине күз алдына китердем. Кайтып әниемнең кулларын үбәр идем, безгә гомер биргәне өчен рәхмәт әйтер идем", - дип яза ул социаль челтәрләрнең берсендә.

Фото: соц.сети