Иркә мобилизацияләнгән иренең хәле турында сөйләде

Җырчы Иркә ире Артурны өлешчә мобилизация башлангач, махсус хәрби операциягә озаткан иде. Тамашачылар Артурның хәле турында сораштырып торалар икән, шуңа җырчы аларга социаль челтәрләрдә җавап язган.

"Артур буенча бик күп сораулар килә. Кая ул? Ничек ул? Артур шунда, еш булмаса да хәбәрләшәбез. Аллага шөкер, исән-имин. "Барысы да яхшы, матурым", диюдән башка бер сүзе дә юк", - дип яза Иркә.

Популяр җырчы сүзләренчә, Артур балаларын сагына һәм төшенкелеккә бирелмәскә куша.