Җырчы Эльмира Сөләйманова вафат булган

Бүген иртән иртүк кайгылы хәбәр килеп иреште. Татарстанның атказанган артисты Эльмира Сөләйманова вафат булган.

Бу хәбәрне "Шәһри Казан" газетасына баянчы Алмаз Рәхимов раслаган. "Бүген иртән Эльмираның баянчысы Фәйзелхак абый күңелсез хәбәр җиткерде. Соңгы атнада Эльмира бик нык авырткан булган, ютәлләгән. Әле узган җомгада гына үзе белән телефоннан сөйләшкән идек. Баян белән чыгыш ясарга кирәк булганда, һәрвакыт мине чакыра иде. Эльмира чиста күңелле кеше иде. Ике баласы калды, улы әле икенче сыйныфта гына укый. Бик кызганыч..." - дигән Алмаз.

Коллективыбыз исеменнән Эльмираның туганнары һәм якыннарының тирән кайгысын уртаклашабыз!

Фото: Вконтакте