"Камаз" - "Рубин" матчында Татарстанның халык артисты Салават Фәтхетдинов чыгыш ясаячак

Казанның “Рубин” һәм Чаллының “Камаз” командалары 18 мартта автокалада ярышачак. Татарстан Дербие Беренче лига кысаларында узачак.

Матч алдыннан кызыклы күңел ачу программасы әзерләнә. Ул 15.30да башланачак. Анда Татарстанның халык артисты Салават Фәтхетдинов та катнаша. Уен алдыннан ул “КАМАЗ-мастер” командасы узышчысы, ике тапкыр “Дакар” раллида җиңү яулаган спортчы Дмитрий Сотников белән беренче булып туп тәгәрәтү хокукына ия булачак.

Хәзерге вакытта "Рубин" икенче (43 очко), "КАМАЗ" (32) сигезенче урында бара. 

Фото: t.me/fckamaz_1981