"Рубин" командасының матчларга әзерлеге - видео

"Рубин" футболчылары бу атнада Мәскәүнең "Велес" командасы белән Казанда бик җаваплы матч үткәрәчәк. Алар 2 апрельдә "Ак Барс Арена"да уйный.

Әзерлек максатыннан клуб базасында журналистларга ачык күнегүләрне күрсәттеләр. "Рубин"ның киләсе сезонда Премьер-лигага чыгу өчен бөтен мөмкинлекләре бар. Алар турнир таблицасының икенче баскычында бара. Ләкин узган ике уенда Казан командасы көндәшләр капкасына бер гол да кертә алмады.

Бу күренеш бик күпләрне борчуга салды. Командадан алга таба нәрсә көтәргә? Күнегүләрне Илдар Сафиуллин күреп кайтты.

Фото: "Рубин"